काठमाडौं । सोमबार देशका प्रमुख नदीहरूको बहाव हाल सतर्कता तहभन्दा तलै रहे पनि विभिन्न जिल्लाका स–साना नदीहरूमा आकस्मिक बाढीको जोखिम रहेको छ ।
बाढी पूर्वानुमान महाशाखाले जारी गरेको बुलेटिनअनुसार सोमबार गोरखा, रूपन्देही, अर्घाखाँची, कपिलवस्तु र दाङ भई बहने स–साना नदीहरूमा पानीको बहाव उल्लेख्य बढ्ने र आकस्मिक बाढीको उच्च जोखिम रहेको छ । त्यस्तै झापा, मोरङ, इलाम, सुनसरी, पाँचथर, तेह्रथुम, दोलखा, सिन्धुपाल्चोक, काभ्रेपलाञ्चोक, काठमाडौँ, भक्तपुर, ललितपुर, चितवन, कास्की, तनहुँ, स्याङ्जा, पर्वत, बाग्लुङ, गुल्मी, पाल्पा, नवलपरासी पूर्व, नवलपरासी पश्चिम, प्युठान, बाँके, बर्दिया, डोटी, डडेलधुरा, कैलाली, कञ्चनपुर, बैतडी, दार्चुला र आसपासका जिल्ला भई बहने स–साना नदीहरूमा पनि बहाव बढेर आकस्मिक बाढीको मध्यम जोखिम रहेको महाशाखाले जनाएको छ ।
