दोस्रो संस्करणको नाइमा नेपाल मोबिलिटी एक्स्पो–२०२६ आजबाट सुरु

साना ईभीदेखि प्रिमियम एसयूभी, स्मार्ट स्कुटरदेखि सिटी बससम्म एउटै छानामुनि उभिँदा भृकुटीमण्डप केही दिनका लागि केवल प्रदर्शनीस्थल रहने छैन, नेपालको बदलिँदो ‘मोबिलिटी’ इतिहासको साक्षी बन्नेमा नाइमा ढुक्क छ ।अटोमोबाइल उद्योगका लागि यसपटकको नाइमा नेपाल मोबिलिटी एक्स्पो २०२६ एउटा व्यापारिक मेलामात्र नभएर बजारको नयाँ शक्ति–सन्तुलन घोषणा गर्ने मञ्च पनि हुने उनको भनाइ छ । सार्वजनिक हुने ४० भन्दा बढी नयाँ मोडलले अब नेपाली सडक पेट्रोल र डिजेलको आवाजभन्दा ब्याट्री, सफ्टवेयर र स्मार्ट प्रविधितर्फ मोडिइसकेको देखाउने उनको भनाइ छ ।

प्रदर्शनीमा ५५ भन्दा बढी अन्तर्राष्ट्रिय ब्रान्ड सहभागी हुँदैछन् । २६ चारपांग्रे, १८ दुईपांग्रे र आठ व्यावसायिक सवारी ब्रान्डसँगै ४० भन्दा बढी नयाँ उत्पादन सार्वजनिक हुने दाबी आयोजकको छ ।