काठमाडौं । बागमती टेलिभिजन एचडीकी कार्यक्रम प्रस्तोता शुष्मी कंडेललाई पितृशोक परेको छ ।

बागमती टेलिभिजनको पावर सर्कल र स्रष्टा र साहित्य कार्यक्रमको प्रस्तोता शुष्मी कंडेलका पिता गोपाल कंडेलको अकस्मात् मृत्यु भएको हो । उहाँको निधनले कंडेल परिवार गहिरो शोकमा डुबेको छ ।

गुल्मी दरबार गाउँपालिका ५ का स्वर्गिय गोपाल कंडेल स्थानीय समाजसेवी व्यक्तित्वका रूपमा परिचित हुनुहुन्थ्यो ।

शुष्मी कंडेलका पिता गोपालको निधनप्रति बागमती टेलिभिजन परिवारले दुख ब्यक्त गरेको छ । टेलिभिजन परिवारले स्व. कंडेलप्रति श्रद्धाञ्जली अर्पण गर्दै सम्पूर्ण शोकाकुल परिवारजनमा हार्दिक समवेदना प्रकट गरेको हो ।