काठमाडौं। लगातार दोस्रो हारसँगै नेपालको घरेलु मैदानमा जारी आइसिसी महिला टी ट्वान्टी विश्वकप ग्लोबल छनोटको सुपर सिक्समा पुग्ने सम्भावना कमजोर भएको छ ।कीर्तिपुरमा भएको आफ्नो दोस्रो खेलमा नेपाल बिहीबार नेदरल्यान्ड्सँग २ रनको साँघुरो अन्तरले पराजित हुन पुग्यो । कुल १० टोली सहभागी छनोटमा दुई समूहका शिर्ष तीन राष्ट्र सुपर सिक्समा पुग्ने प्रावधान छ । समूह ‘बी’ मा रहेको नेपालले लगातार दोस्रो हार व्यहोरेपछि सुपर सिक्सको सम्भावना कमजोर भएको हो ।

अब नेपालले समूहका बाँकी दुई खेल जित्नुपर्ने हुन्छ । पहिलो खेलमा नेपाल थाइल्यान्डसँग आठ विकेटले पराजित भएको थियो । दोस्रो खेलमा पनि हार बेहोरेपछि नेपालको सम्भावना कमजोर भएको हो । अब नेपालले समूहको दुई खेलमा आगामी जनवरी २४ तारिखमा जिम्बाबे र जनवरी २६ तारिखमा स्कटल्याण्डसँग प्रतिष्पर्धा गर्नेछ । यी खेलमा जित निकाल्नसके मात्र नेपाली महिला टोलीको विश्वकप खेल्ने यात्रा जीवन्त रहनेछ ।

त्रिवि क्रिकेट मैदानमा डच टोलीले एक सय ४१ रनको लक्ष्य पाएको थियो । तर, नेपालले पूरै ओभर खेले पनि सात विकेटको क्षतिमा १३८ रन मात्र जोड्न सक्यो । जितका लागि नेपाललाई अन्तिम बलमा ६ रन आवश्यक थियो । तर, अनुभवी ब्याटर रुबिना क्षेत्रीले चौका मात्र प्रहार गर्न सकिनन् । यससँगै नेपालले साँघुरो हार बेहो¥यो । नेदरल्यान्ड्स भने लगातार तेस्रो जित निकाल्दै सुपर सिक्समा आफ्नो स्थान सुरक्षित गर्न सफल भयो । नेपाल एक समय जितनजिक पुगिसकेको थियो । अन्तिम तीन ओभरमा नेपालले ४१ रन जोडे पनि सफलता पाउन सकेन । अनुभवी ब्याटरद्वय रुबिना र सीता रानामगरले आठौं विकेटका लागि ४५ रनको साझेदारी गरे पनि पर्याप्त भएन । १८औं ओभरमा यी दुईले २० रन जोडेका थिए ।
रुबिना ३७ रनमा र सीता २७ रनमा अविजित रहे । ३२ बल खेलेकी रुबिनाले पाँच चौका प्रहार गरिन् । सीताले १२ बलमा चार चौका र एक छक्का हिर्काइन् । अन्तिम बलमा नेपाललाई जित्न छक्का चाहिएको थियो । दोस्रो खेलमा पनि नेपालले राम्रो सुरुआत गर्ने प्रयास ग¥यो । तर, चौथो ओभरमा ओपनरद्वय विन्दु रावल र सम्झना खड्का आउट भए । विन्दु १८ रनमा रनआउट हुन पुगिन् । सम्झना १४ रनमा रोबिन रिज्कीद्वारा आउट भइन् । त्यसपछि लगातार तीन ब्याटर सस्तैमा आउट भए । साथै उपकप्तान पूजा महतो र कप्तान इन्दु बर्माले धेरै बलमा पनि सामना गरे । इन्दुले १० बलमा ६ रन र पूजाले २१ बलमा ८ रन जोडे । यसपछि नेपालमाथि दबाब बढ्यो ।कविता जोशी १३ रन बनाएर आउट भइन् । तर, रुबिना र सीताले आक्रामक खेल्दै जित दिलाउने प्रयास गरे पनि सफल भएनन् । नेदरल्यान्ड्सको बलिङमा इसाबेल भान डेर वोनिङले सर्वाधिक तीन विकेट लिइन् । चार ओभर बलिङ गरेकी उनले १६ रन खर्चिइन् । सिल्भर सिजर्स, रोबिन र क्यारोलिन डे ल्याङ्गेको नाममा समान १ विकेट रह्यो । टस जितेपछि डच टोलीले पहिले ब्याटिङ ग¥यो । निर्धारित २० ओभरमा पाँच विकेट गुमाएको डच टोलीले एक सय ४० रन बनायो । पहिलो ओभरमै नेपालकी बलर पूजाले फेबे मोल्केन बोरललाई शून्यमा नै आउट गर्दै राम्रो सुरुआत दिलाइन् । अर्की ओपनर हिथर सिगर्स १३ रनमै आउट भइन् ।

यससँगै डच टोली १।३ ओभरमा १५÷२ को अवस्थामा पुग्यो । तर, तेस्रो विकेटका लागि ७९ रनको साझेदारी गर्दै डच टोलीले राम्रो योगफलसम्म पु¥यायो । नेदरल्यान्ड्सकी कप्तान बाबेट डि लिडेले सर्वाधिक ४९ रन बनाइन् । स्टेर कालिसले ३० रनमा आउट हुँदा रिज्के १९ रनमा नटआउट रहिन् । नेपालको बलिङमा रुबिना क्षेत्रीले दुई तथा सोमु विष्ट, पूजा, रिया शर्माले समान एक विकेट लिएका थिए ।