काठमाडौं। नेकपा एमालेका अध्यक्ष केपी शर्मा ओलीले दमकमा बनेको टावरलाई नबुझ्नेहरूले विरोध गरेको बताएका छन् ।सोमबार झापा ५ मा चुनावी घरदैलोको क्रममा अध्यक्ष ओलीले यस्तो बताएका हुन् । झापा ५ का उम्मेदवार समेत रहेका ओलीले दमकमा बनेको टावर भ्यूटावर नभएर एउटा बिजनेस कम्प्लेक्स भएको बताए ।

उक्त बिजनेस कम्प्लेक्सलाई नयाँ खालको आईटी हबको रूपमा विकास गर्ने सोच अनुसार अगाडि बढाएको उनको भनाइ छ । तर नबुझ्ने मान्छेहरूले यो किन चाहियो भनेर विरोध गर्ने गरेको उनले बताए ।

अध्यक्ष ओलीले उक्त टावर विकासको एउटा झण्डा भएको दाबी गर्दै ‘भविष्यमा दमक चिनिने भनेको सोही टावरको कारण भएको बताए ।