काठमाडौं । कैलालीमा भएको मोटरसाइकल दुर्घटनामा तीन जनाको ज्यान गएको छ । एक जना घाइते भएका छन् ।

भीमदत्त राजमार्ग (धनगढी–डडेल्धुरा) अन्तर्गत कैलालीको अत्तरिया वनदेवी सडकखण्डमा हिजो बेलुका दुई वटा मोटरसाइकल ठोक्किएर तीन जनाको ज्यान गएको इलाका प्रहरी कार्यालय मालाखेती अत्तरियाले जनाएको छ ।

प्रहरी नायब उपरीक्षक रणबहादुर चन्दका अनुसार ज्यान गुमाउनेमा सुदूरपश्चिम प्रदेश ०१–०१०३१८७ नम्बरको मोटरसाइकल चालक धनगढी उपमहानगरपालिका–२ का २२ वर्षीय हरिश ओली, सुदूरपश्चिम प्रदेश ०१–००९ प ७७८१ नम्बरको मोटरसाइकलका चालक गोदावरी नगरपालिका–१ का २६ वर्षीय योगेन्द्र शाह र त्यहीँ मोटरसाइकलको पछाडि बसेका २३ वर्षीय हरिश पार्की रहेका छन् ।

घाइते गोदावरी नगरपालिका–६ लालपुरका जीवन पाठकको उपचार भैरहेको छ । तीब्र गतिका कारण दुर्घटना भएको प्रहरीको प्रारम्भिक अनुमान छ ।