काठमाडौँ । प्रतिपक्षी नेकपा एमालेले कर्मचारीहरूको तलब भत्ता वृद्धि गर्न माग गरेको छ । तीन तीन वर्षमा बढाउनुपर्ने तलब चार वर्षमा नबढेको भन्दै तलब भत्ता बढाउन माग गरेको हो ।

सरकारको  आर्थिक वर्ष २०८३/८४ को नीति तथा कार्यक्रममा संशोधन प्रस्तावमाथि छलफल गर्दै राष्ट्रिय योजना आयोगका पूर्व उपाध्यक्ष समेत रहेका एमाले सांसद पुष्पराज कँडेलले सरकारी कर्मचारीको तलब वृद्धि गर्ने कुरा नीति तथा कार्यक्रममा नआउनु दुःखद भएको बताए ।