काठमाडौं । नेकपाका संयोजक पुष्पकमल दाहाल ‘प्रचण्ड’ले सरकारका सय दिन उपलब्धीशून्य भएको बताएका छन् ।

लुम्बिनी प्रदेशस्तरीय पार्टीको शपथ ग्रहण तथा प्रशिक्षण कार्यक्रमका लागि बुटवल पुगेका संयोजक प्रचण्डले पत्रकारहरुसँग बोल्दै यस्तो बताएका हुन् ।पूर्वप्रधानमन्त्रीसमेत रहेका प्रचण्डले अहिले नै बामएकताको कुरा कुनै नभएको तर सहकार्यको लागि समन्वय गरेको जनाएका छन् ।

बाम एकताको लागि तपाईले समन्वय गरेको कुरा छ नि भन्ने प्रश्नको जवाफमा उनले ‘बाम एकताभन्दा पनि कांग्रेस–एमाले–लगायत सबैसँग सहकार्यको कुरा भएको बताए । संयोजक प्रचण्ड नेकपाका सहसंयोजक पूर्वप्रधानमन्त्री माधवकुमार नेपाल, वरिष्ठ नेता नारायणकाजी श्रेष्ठ, वर्षमान पुन, बलदेव खनालसहितका शीर्ष नेताहरुसहित बुटटवलमा प्रदेशस्तरीय प्रशिक्षण तथा पार्टी एकतापछि पहिलो पटक शपथग्रहण कार्यक्रमका लागि बुटवलमा पुगेका हुन् ।