अब रास्वपा नेपालको राजनीतिमा लामो समयको चुनौती होइनः महासचिव पोखरेल

महासचिव पोखरेलले आफ्नो पार्टी र नेतृत्वमाथि लगाइएका भ्रष्टाचारका आरोपहरू प्रमाणित गर्न सरकारलाई चुनौती दिए । राजनीतिक प्रतिशोधका आधारमा एमालेलाई बद्नाम गर्ने प्रयास भइरहेको उनको दाबी छ । उनले यती होल्डिङ्स, ओम्नी र गिरिबन्धु टी–स्टेट लगायतका प्रकरणमा एमालेलाई विनाकारण मुछिएको उल्लेख गरे । आर्थिक लेनदेन नै नभएको विषयमा भ्रष्टाचार कसरी हुन्छ ? महासचिव पोखरेलको प्रश्न छ ।

महासचिव पोखरेलले पार्टीलाई सुदृढ र एकतावद्ध बनाउनका लागि संस्थागत प्रक्रियामार्फत सुधार र पुनर्गठनको अभियान अघि बढाइने बताए ।उनले पार्टीभित्र कुनैपनि प्रकारको संकट वा समस्या उत्पन्न नहुने गरी आफूहरू अगाडि बढ्न खोजेको स्पष्ट पारेका हुन् । उनले पार्टीलाई थप बलियो बनाउनका लागि नै सुधार र पुनर्गठनको आवश्यकता रहेकोमा जोड दिए ।