समाज कल्याण परिषद् सबैभन्दा बद्नाम संस्था होः खगेन्द्र सुनार

उनले भने, ‘समाज कल्याण परिषद् यी सबै एनजीओ, आईएनजीओको हेडमास्टर हो । त्यहाँभित्र टक्रक्क छलफल हुन्छ । आँखा मिलाउने, भाका मिलाउने, कागज मिलाउने, हँ रु मुख मीठो बनाएर कुरा गर्ने । राउटेको शिक्षाको नाममा कति पैसा लगानी भएको थियो दैलेखमा रु गुराँस गाउँपालिकामा रु कति जना राउटेका बालबालिका टाइ लगाएर स्कुल जान्छन् रु नाङ्गै भुतुङ्गै बस्या छन् त्यहाँ । लाखे जात्राको भकुण्डो जस्तो भएर हिँडेका छन् त्यहाँ बजारमा । सबैलाई रक्सी खुवाएर ठीक पारेर राखेका छन् । कति जना राउटेहरूको घर बन्यो त्यहाँ रु त्यो राउटेहरूको छानबिन हुनुपर्छ । समाज कल्याण परिषद सबैभन्दा बदनाम संस्था हो । त्यो संस्थाको बारेमा छलफल हुनुपर्छ, सभापतिज्यू । तत्काल अहिले नै दलितका नाममा, गरिबका नाममा ती सुकुम्बासीमा बसेका, दैलेखमा बसेका, लोहोरेमा बसेका, गडाचौतारामा बसेका, झुुप्रा खोलामा बसेका बादीहरूको नाममा, दलितको नाममा, डुम, चमार, मुसहरहरूको नाममा तराईमा कति पैसा आएको छ तिनीहरूको जीविकोपार्जनमा रु यसको प्रक्रिया के हो रु यहाँ कर्मचारी साथीहरूले पैसा यसरी आउँछ, यसरी जान्छ । यस्ता कुरा मिलाउने, कागज मिलाउनेमा तपाईँहरू लोकसेवा नै पास गरेर आएका मान्छेहरू हुनुहुन्छ, मेरो त्यसमा केही प्रश्न छैन । प्रक्रियामा प्रश्न छैन, परिणाम के हो रु परिणाम चाहियो यहाँ । राउटेलाई लुगा दिने भनेर मुख्यमन्त्री गएर त्यहाँ दिने, भोलिपल्ट हतपत राउटे नाङ्गै भुतुङ्गै हिँड्या छ, बजारमा फेरि । यो खालको कुराहरूलाई चाहिँ मान्य छैन । यो कुरामा सार्वजनिक लेखा समितिले छलफल गर्नुपर्छ । समाज कल्याण परिषदबाट अहिले पनि यहाँ बजारमा भोलि मलाई एउटा बोलाइयो अघि कार्यक्रममा, के भनेर बोलाइयो रु दलितको थर परिवर्तन गर्नुपर्छ, फलानो एनजीओले कार्यक्रम आयोजना गरेको छ, आउनुपर्छ । सामाजिक सद्भाव भड्काउने काम भइरहेको छ, एनजीओको नामबाट । जातीय द्वन्द्व भड्काउने काम भइरहेको छ । साम्प्रदायिकता भड्काउने काम भइरहेको छ । राज्यले तल अनुमोदन गरेर छाप लगाएर, लालछाप लगाएर ल देश भड्का भन्न पाइँदैन । जातको नाममा, धर्मको नाममा समाज भड्काइरहन पाइँदैन । त्यो ठेक्का दिन कसैलाई पनि दिन पाइँदैन । एकथरी दलित अहिले परेको छ, बजारमा फेरि, छिटो थर फेरी हाल्न पाएको भए म पनि ठूलै हुन्थेँ भन्ने परेको छ । थर फेर्न मन लागेका साथीहरू जाने तर दलितलाई अगाडि देखाएर राज्यलाई ध्वस्त पार्न पाइँदैन । अङ्ग्रेजीमा पैसा ल्याएर नेपालीमा डुबाउन पाइँदैन । बडो मजाले डकुमेन्ट पेस गरेर नेपाल ध्वस्त बनाउन पाइँदैन ।’

उनले नेपालमा आउने वैदेशिक सहायता, अनुदान तथा ऋणको प्रभावकारी लेखापरीक्षण र उपयोगमा कडाइ गर्नुपर्ने बताए । वैदेशिक स्रोतबाट सरकारको प्रत्यक्ष खातामा नआउने सहायता रकमको समेत लेखापरीक्षण हुनुपर्नेमा उनले जोड दिए । सांसद सुनारले वैदेशिक ऋण तथा सहयोगमा निर्माण भएका ठूला पूर्वाधारको उपयोगिता र आर्थिक प्रतिफलबारे पनि प्रश्न उठाए । पोखरा र भैरहवा विमानस्थललगायत परियोजनाको सञ्चालन अवस्था मूल्यांकन गर्दै ऋणको भार मात्र थपिने गरी परियोजना अघि बढाउन नहुने उनको भनाई छ ।