काठमाडौं । प्रधानमन्त्री वालेन्द्र शाह बिहीबार स्थलगत निरीक्षणका निम्ति बाढी प्रभावित क्षेत्र नुवाकोटको विदुर पुगेका छन् ।
प्रधानमन्त्री शाहसँगै पूर्वाधार विकासमन्त्री सुनिल लम्साल समेत सहभागी छन् । उनीहरू आज बिहान काठमाडौंबाट सडकमार्ग हुँदै बाढी प्रभावित मुख्य क्षेत्रमध्येको एक विदुरतर्फ प्रस्थान गरेका प्रधानमन्त्रीको सचिवालयले जनाएको छ ।बुधबार बिहान रसुवाको भोटेकोसी नदी हुँदै आएको भीषण बाढीले जनधनको ठूलो क्षति भएको छ । रसुवा, नुवाकोटलगायत जिल्लामा क्षतिको विवरण सार्वजनिक भइरहेको छ ।बाढीलगत्तै प्रधानमन्त्री बालेनले उच्चस्तरीय बैठकहरू आह्वान गरी उद्धार तथा राहतका निम्ति मातहतका निकायलाई आवश्यक निर्देशन दिनुका साथै निरन्तर सहजीकरण गर्दै आएका छन् ।
