काठमाडौं । नेपाली बजारमा आज सुनको मूल्य बढेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा ९०० ले बढेको हो ।

महासंघले दिएको जानकारी अनुसार छापावाल सुनको मूल्य तोलाको १ लाख ७० हजार ४०० रुपैयाँ कायम छ । मंगलबार छापावाल सुन प्रतितोला १ लाख ६९ हजार ५०० रुपैयाँमा किनबेच भएको थियो ।

चाँदीको मूल्य पनि तोलामा १० रुपैयाँले बढेको छ । चाँदी प्रतितोला १ हजार ९५० रुपैयाँमा खरिद–बिक्री भइरहेको छ । मंगलबार चाँदी प्रतितोला १ हजार ९४० रुपैयाँमा कारोबार भएको थियो ।