काठमाडौं । नेपाली बजारमा आज सुनको मूल्यमा नयाँ रेकर्ड कायम भएको छ । नेपाल सुनचाँदी व्यवसायी महासंघका अनुसार मंगलबार नयाँ रेकर्ड बनाएको सुनको मूल्यले बुधबार तोड्दै अर्को नयाँ रेकर्ड बनाएको हो ।

आज सुन प्रतितोला ८०० रुपैयाँ बढेर १ लाख ७६ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । आजको सुनको मूल्य हालसम्मकै उच्च हो ।

मंगलबार (चैत ५ गते) सुन प्रतितोला १ लाख ७५ हजार २०० रुपैयाँमा कारोबार भएर उच्च मूल्यको रेकर्ड बनाएको थियो ।

आज चाँदीको मूल्य भने पाँच रुपैयाँ घटेर कारोबार भएको छ । मंगलबार २ हजार ५० रुपैयाँमा कारोबार भएको चाँदी आज २ हजार ४५ रुपैयाँमा कारोबार भइरहेको छ ।