काठमाडौं । जल तथा मौसम विज्ञान विभागले आज देशका केही भूभागमा आज वर्षा र हिमपातको सम्भावना रहेको जनाएको छ । विभागका अनुसार आज अधिकांश स्थानमा भने मौसम सफा रहनेछ ।

कोसी र गण्डकी प्रदेशका पहाडी भूभागका केही स्थानमा हल्का वर्षाको सम्भावना रहेको विभागको भनाइ रहेको छ । कोसी र गण्डकी प्रदेशका केही उच्च पहाड र हिमाली क्षेत्रमा हल्का हिमपातको सम्भावना रहेको छ । काठमाडौंमा आज दिउँसो मुख्यतया मौसम सफा रहनेछ ।

कोसी र गण्डकी प्रदेशको पहाडी भूभागको एकदुई स्थानमा मेघगर्जन र चट्याङसहित हल्का वर्षाको सम्भावना रहेकाले सम्भावित क्षतिबाट बच्न सचेत रहन विभागले आग्रह गरेको छ ।

हाल देशमा पश्चिमी र स्थानीय वायुको आंशिक प्रभाव रहेको छ । पश्चिमी र स्थानीय वायु ‘स्ट्रङ’ नहुँदा ठूलो र धेरै स्थानमा वर्षा हुन सकेको छैन ।