राष्ट्रिय प्रजातन्त्र पार्टी राप्रपा का उपाध्यक्ष तथा पूर्वसांसद ध्रुवबहादुर प्रधानले आगामी फागुन २१ गते हुने प्रतिनिधि सभा निर्वाचनका लागि नवलपरासी बर्दघाट सुस्ता पश्चिम क्षेत्र नं २ बाट उम्मेदवारी मनोनयन दर्ता गराएका छन् । राप्रपाले देशभरका १६५ मध्ये १६० बढी क्षेत्रमा उम्मेदवार टुंगो लगाएकोमा प्रधानलाई पुरानै क्षेत्रबाटै टिकट दिएको हो । सन् २०२२ को निर्वाचनमा पनि यही क्षेत्रबाट विजयी भएका प्रधानले यसपटक पनि सोही क्षेत्रबाट उम्मेदवारी दिएका हुन् । निर्वाचन आयोगको कार्यतालिकाअनुसार आज देशभर उम्मेदवारहरूले मनोनयन दर्ता गराइरहेका छन् । प्रधानसहित राप्रपाका अन्य उम्मेदवारहरू पनि आ–आफ्नो क्षेत्रमा पुगेर मनोनयन दर्ता प्रक्रिया पूरा गर्दैछन् ।

यो क्षेत्रमा प्रधानको मुख्य प्रतिष्पर्धा नेपाली काँग्रेस, नेकपा ९एमाले० र राष्ट्रिय स्वतन्त्र पार्टीका उम्मेदवारसँग हुने अनुमान गरिएको छ । यसअघि २०२२ मा प्रधानले काँग्रेसका देवेन्द्रराज कँडेललाई पराजित गरेका थिए । राप्रपाले राजतन्त्र पुनःस्थापना र हिन्दु राष्ट्रको एजेण्डालाई प्रमुख रूपमा अघि सारेको छ । प्रधानको उम्मेदवारीले लुम्बिनी प्रदेशको यो क्षेत्रमा राजनीतिक सरगर्मी बढाएको छ ।