काठमाडौं। नेपाली काँग्रेसका बझाङ प्रतिनिधिसभाका उम्मेदवार प्रकाश रसाइली स्नेहीलाई निर्वाचनमा सूचना प्रविधिको प्रयोगमा जोड दिन सुझाव दिइएको छ ।

नेपाल विद्यार्थी संघ नेवि संघ बझाङका नेता, कार्यकर्ताहरुले निर्वाचनमा विजयी हुनका लागि सूचना प्रविधिको प्रभावकारी परिचालनमा जोड दिनुपर्ने, पार्टी भित्र एकताको सन्देश प्रवाह गर्नुपर्नेलगायतका सुझाव दिएका हुन् । काँग्रेसका सहमहामन्त्री समेत रहनुभएका स्नेहीलाई जातीय नाराभन्दा माथि उठेर विकास र समृद्धिको एजेण्डामा केन्द्रित हुन पनि आग्रह गरिएको नेविसंघ बझाङले जनाएको छ ।

निर्वाचनको कामलाई प्रभावकारी रुपमा अघि बढाउन आवश्यक्ता अनुसार सम्पर्क कार्यालयहरुको स्थापना, मिडिया सकारात्मक सन्देश दिने खालका सामग्रीहरुको उपयोग गर्नुपर्नेमा पनि उम्मेदवार स्नेहीको ध्यानाकर्षण गराइएको छ ।