काठमाडौं । नेपाली बजारमा सुनको मूल्य वृद्धि अझ आक्रामक भएको छ । बिहीबारको तुलनामा शुक्रबार सुन तोलामै २ हजारले बढेको हो ।

नेपाल सुनचाँदी व्यवसायी महासङ्घले आजको लागि तोकेको मूल्य अनुसार छापावाला सुनको मूल्य १ लाख ६४ हजार ४०० रुपैयाँ कायम भएको छ ।

बिहीबार यस्तो मूल्य १ लाख ६२ हजार ४०० रुपैयाँ रहेको थियो । आजका लागि निर्धारित मूल्य अहिलेसम्मकै सबैभन्दा धेरै हो ।

बिहीबार १ हजार ९ सय ५० रुपैयाँ भएको चाँदी शुक्रबार तोलामा ३० रुपैयाँले बढेर १ हजार ९ सय ८० रुपैयाँ पुगेको छ ।