काठमाडौं । नेपाली बजारमा आज सुनचाँदीको मूल्य घटेको छ । नेपाल सुनचाँदी व्यवसायी महासंघले सुन र चाँदीको मूल्य घटेको जानकारी दिएको हो ।

महासंघका अनुसार बुधबार सुनको मूल्य प्रतितोला १ लाख ४९ हजार ७०० रुपैयाँमा कारोबार भइरहेको छ । मंगलबार प्रतितोला १ लाख ४९ हजार ८०० रुपैयाँमा कारोबार भएको थियो ।

यस्तै, चाँदीको मूल्य तोलामा ५ रुपैयाँ घटेको छ । बुधबार चाँदी प्रतितोला १ हजार ८०० रुपैयाँमा कारोबार भइरहेको महासंघले जनाएको छ ।