काठमाडौं । ७ किलो सुन तस्करीको अभियोगमा यसअघि पनि पक्राउ परेका कुसाङ लामा २५ करोडभन्दा बढी नगदसहित पक्राउ परेका छन् । सिन्धुपाल्चोकको भोटेकोशी गाउँपालिका वडा नं. १ घर भएका ३९ वर्षीय लामालाई आज बिहान प्रहरीले काठमाडौंको झोरबाट पाmउ गरेको हो ।

प्रहहरीले दिएको जानकारी अनुसार लामा चालक सिट पछाडि फल्स बटम बनाएर रकम राखेको अवस्थामा पक्राउ परेका छन् ।

प्रहरीका अनुसार उनी यसअघि सुन तस्करी प्रकरणमा समेत समातिएका थिए । उनी ७ किलो सुन सहित कलंकीबाट समातिएर २०७८ मा छुटेका थिए ।

उनलाई रसुवाबाट गल्छी हुँदै काठमाडौं आइरहेको बा ८ च ७४२० नम्बरको हाइलक्स गाडीबाट ७ किलो सुनसहित प्रहरीले पक्राउ गरेको थियो ।

पक्राउ परेका लामालाई प्रहरीले आज दिउँसो पत्रकार सम्मेलनको आयोजना गरी सार्वजनिक गरेको छ ।