काठमाडौं । भक्तपुर सानोठिमिस्थित मिड भ्याली कलेजले अन्तर विद्यालय ’विज्ञान तथा सुचना प्रविधि प्रर्दशनी २०८२’ आयोजना गरेको छ । प्रर्दशनी मंसिर ११ र १२ गते (बिहीबार र शुक्रबार) भक्तपुर सानोठिमिस्थित मिड भ्याली कलेजको प्राङ्गणमा आयोजना गरिएको हो। प्रर्दशनीमा भक्तपुरका ६७ वटा विद्यालयको ९३ वटा स्टल रहेका छन् ।

मिड भ्याली कलेजले आयोजना गरेको यस प्रर्दशनीमा पहिलो दिनमा नै विद्यार्थीहरूको उल्लेखनीय सहभागिता रहेको छ। प्रर्दशनीमा विभिन्न कलेजमा अध्ययनरत विज्ञान तथा सुचना प्रविधि तर्फका विद्यार्थीहरूले विज्ञान र प्रविधि तर्फको नविनम प्रयोगलाई जोड दिदैँ निर्माण गरेका स्मार्ट सिटि, वाटर सिस्टम,वाटर पोलुसन, स्मार्ट होम लगायतका विभिन्न इक्युप्मेन्टहरु प्रदर्शन गरिएको छ । विभिन्न नविनतम प्रविधिको विकाससँगै नेपालमा विज्ञान तथा सुचना प्रविधि शिक्षा अध्ययन गरेका विद्यार्थीले विश्ववजारमा प्रतिस्पधी उपकरण र प्रविधिको विकास गर्न सक्ने उदाहरण प्रर्दशनीमा विद्यार्थीहरूले देखाएका छन् ।

कार्यक्रममा प्रा.डा रामेश्वर अधिकारीले यस्ता प्रर्दशनी कार्यक्रमले विद्यार्थीहरुलाई शैद्धान्तिक मात्र नभई व्यवहारिक ज्ञान हुने बताए । उनले यसखालको कार्यक्रम शहरी क्षेत्रमा मात्र नभई ग्रामिण क्षेत्रका विद्यालय तथा कलेजहरुमा समेत आयोजना हुन जरुरी रहेको बताउदैँ मन्त्रालयले पनि यस खालको प्रर्दशनीलाई प्राथमिकता दिन जरुरी रहेको बताए। उनले भने, ’शिक्षामन्त्रालयले विज्ञान तथा प्रविधि क्षेत्रलाई प्राथमिकता दिईरहेको छ र अझै विशेष आयोजना ल्याएमा विद्यार्थीहरुमा व्यवहारिक ज्ञान प्राप्त हुने थियो। यी भावी पुस्तालाई विज्ञान तथा प्रविधि क्षेत्रमा योग्य बनाउनु देश विकास हुनु हो ।’

सुर्यविनायक नगरपालिकाका शिक्षा शाखा प्रमुख रत्न कटुवालले साना साना उमेरका विद्यार्थीहरुले दैनिक रुपमा प्रयोग हुने उपकरणहरुलाई फरक रुपमा प्रदर्शनी गरेको बताए । उनले यसखालको प्रर्दशनी मिडभ्याली लगायतका अन्य विद्यालयले पनि आयोजना गर्न जरुरी रहेको बताए। साथै उनले विभिन्न विद्यालयका विद्यार्थीहरुलाई यस प्रर्दशनीमा सहभागी भई जानकारी लिन समेत आग्रह गरे ।

यस्तै मिड भ्याली कलेजका निर्देशक कमल अर्यालले विद्यार्थीहरुको सिर्जनात्मक क्षेमता अभिवृद्धि र व्यवहारिक शिक्षालाई विशेष जोड दिने उदेश्यले यस प्रर्दशनीको आयोजना गरिएको बताए । उनले कलेजले १ बर्ष अगाडी गरेको यसखालको प्रर्दशनीले विद्यार्थीहरुमा सकारात्मक प्रभाव पारेको बताउदैँ सुर्यविनायक नगरपालिकाले समेत प्रभावित भई नगरपालिका स्तरको पर्दशनी आयोजना गर्न लागेको जानकारी दिए । साथै उनले यस पर्दशनीमा अन्य विद्यालयले सोचेको भन्दा राम्रो सुचना प्रविधिका उपकरणहरु प्रस्तुत गरेको बताए ।

कलेजले उत्कृष्ट प्रदर्शन गर्ने विद्यार्थी टोलीलाई प्रथम हुनेलाई ३० हजार, दोस्रोलाई २० हजार र तेस्रोलाई १० हजार पुरस्कार निर्धारण गरेको छ । मिड भ्याली कलेजले पनि यस्ता क्रियाकलापमा जोड दिदैँ आगामी दिनमा पनि यस्ता कार्यक्रमको आयोजना गर्दै विद्यार्थीलाई खोज अनुसन्धान तर्फ थप उत्प्रेरित गर्ने जनाएको छ ।