काठमाडौं । जर्मनी युरो २०२५ को सेमिफाइनलमा प्रवेश गरेको छ ।

खेलको १३औं मिनेटमा १० खेलाडीमा सीमित बनेको जर्मनीले फ्रान्सलाई पेनाल्टी सुटआउटमा पराजित गर्दै युरो २०२५ को सेमिफाइनलमा प्रवेश गरेको हो ।

आठ पटकको च्याम्पियन जर्मनीकी खेलाडी क्याथरिन हेन्ड्रिकले फ्रान्सकी कप्तान ग्रिज मोबोकको कपाल तानेपछि रातो कार्ड खाँदै मैदान छाडेकी थिइन् ।

त्यसपछि जर्मनी १० खेलाडीमा समेटिएको थियो ।

खेलको १५औँ मिनेटमा जर्मनीले पेनाल्टीमार्फत् गोल गर्दै अग्रता दिलायो ।

त्यसको १० मिनेटमा फ्रान्सले बराबरी गोल फर्कायो ।

त्यसपछि दुवै तर्फबाट कुनै गोल हुन सकेन ।

खेलको निरणय पेनाल्टी सुटआउटबाट लिइएको थियो।

जर्मनीकी गोलकिपर एन–क्याट्रिन बर्जरले एलिस सोम्बाथको पेनाल्टीको बचाउ गर्दै ६–५ को जित दिलाएकी हुन् ।

अब स्पेनले सेमिफाइनलमा जर्मनीको सामना गर्दैछ ।

पहिलो सेमिफाइनलमा आगामी बुधबार इटाली र इङ्ल्याण्ड भिड्नेछन् ।