काठमाडौं । नेपाली काँग्रेसका नेता एवं केन्द्रिय सदस्य अजयबाबु शिवाकोटीले बहुसंख्यक महाधिवेशन प्रतिनिधिहरुको मागलाई बेवास्ता नगर्न चेतावनी दिएका छन् ।

नेपाली काँग्रेसको १४ औं महाधिवेशनका बहुसंख्यक प्रतिनिधिहरुले विशेष महाधिवेशनको माग गर्दै हस्ताक्षर गर्नुभएकाले पार्टीका पदाधिकारी वा केन्द्रिय सदस्यहरुले नजरअन्दाज नगर्न चेतावनी दिएका हुन् ।

नेपाली काँग्रेसमा जेन–जी आन्दोलनपछिको परिस्थितिलाई नियाल्दै विशेष महाधिवेशनको माग गर्दै हस्ताक्षर संकलन भइरहेको छ। मंगलवारको केन्द्रिय समितिको बैठकपछि नै पार्टीका कार्यवाहक सभापति पूर्णबहादुर खड्कालाई हस्ताक्षर बुझाउने तयारी भएपनि पार्टी सभापति शेरबहादुर देउवाले समितिमा आफ्नो सम्बोधन गरेको र सभापतिको रुपमा उजको सम्बोधन यो नै अन्तिम हुने ९अनुमान० भएकाले अन्य गतिविधि नगर्ने भन्दै खड्काले हस्ताक्षर स्वीकार गरेनन् ।

पार्टी सभापति देउवाले केन्द्रिय समितिको बैठकमा सम्बोधन गर्दै आफूले खड्कालाई कार्यवाहक तोकेको जानकारी दिएका थिए । विशेष महाधिवेशनका लागि ५४ प्रतिशत महाधिवेशन प्रतिनिधिहरुले माग गरेको हस्ताक्षर बुधवार कार्यवाहक सभापति खड्कालाई बुझाउने तयारी रहेको शिवाकोटीले बताए।

बहुसंख्यक प्रतिनिधिको मागलाई गोलमटोल बनाउने, अवरोध गर्ने बाटोमा पदाधिकारीहरु जानु नहुने र सबै सचेत रहेको बताए । यदी नियमित वा विशेष महाधिवेशन नभएको खण्डमा पार्टी कार्यालयमा ५० प्रतिशत भन्दा बढी महाधिवेशन प्रतिनिधिहरु जम्मा भइ अधिवेशन गर्ने र नेतृत्व चयन गरी पार्टी चलाउने बताए। यसले पार्टीमा विग्रह निम्त्याउनसक्ने भन्दै त्यो अवस्था आउन नदिन समयमै विशेष महाधिवेशन गर्नुपर्ने सुझाव दिए ।

उनले भने , ‘साथीहरुले लिएर आउनुभएको स्पिरिटलाई नजरअन्दाज गर्न मिल्दैन । यो निर्णय गर्ने तहमा लैजानुपर्छ । यो वा त्यो, गोलमटोल पारेर झुक्याउने र त्यसैगरी लिएर जाने प्रयास गर्नुहुने छैन । विशषे महाधिवेशन भनेर साथीहरुलै हस्ताक्षर गर्नुभएको छ । त्यो हस्ताक्षर संकलन गरेको कुरालाई नजरअन्दाज गर्ने, अपमान गर्ने र निस्तेज गराउने बाटोतर्फ लाग्नुहुने छैन । केन्द्रिय कमिटीलै नियमित महाधिवेशन नै गर्ने भनेर निर्णय ग¥यो भने त्यसमा पनि मान्न तयार हुनुहुन्छ । त्यो भएन भने हस्ताक्षर गरी दर्ता गर्न खोजिएको विशेष महाधिवेशन मंसिरमा गर्नुपर्छ । त्यो भएन भने त्यही विशेष महाधिवेशनलाई माग गरेर दर्ता भएको त्यही डकुमेण्टको आधारमा केन्द्रिय कार्यालयमा विशेष महाधिवेशन देशभरबाट साथीहरु जम्मा हुनुभयो, ५० प्रतिशत भन्दा बढी महाधिवेशन प्रतिनिधिहरुले हस्ताक्षर गरेर बुझाउँदैछौँ । त्यसको मतलव नगर्ने हो भने त साथीहरु जम्मा हुनुहुन्छ, त्यहीँ आफ्नो अधिवेशन गर्नुहुन्छ, अधिवेशनले त्यहीँ नेतृत्व छान्ला, उहाँहरुले नै पार्टी कार्यालय चलाउनु हुन्छ । यो अवस्था बन्ने अवस्थाबाट जोगाउनुपर्छ । सहजतापूर्वक बाटो दिनु भएन भने त्यो अप्रिय बाटोमा पनि जानसक्ने अवस्था हुन्छ । पार्टीमा त्यसले विग्रह आउँछ, त्यो अवस्था आउन नदिन सबै लाग्नुपर्छ ।’

केन्द्रिय सदस्य शिवाकोटीले संविधान मिचेर नयाँ सरकार आएको बताए । संविधानसम्मत रुपमा संसद विघटन नभएको उनको भनाइ छ । यसबारेमा पार्टीको केन्द्रिय समिति बैठकमा छलफल भइ निष्कर्ष निकाल्ने बताए ।

जेन—जी आन्दोलनले पार्टीको जीवनमा पनि नयाँ स्थिति पैदा गरेको बताए । जेन जी आन्दोलनले पारेका प्रभावबारे काँग्रेसले बैठकमा छलफल गर्ने बताए। कसरी पार्टी अघि बढ्ने रु पार्टीको पुनः संरचना र रुपान्तरणको कुरा कसरी अघि बढाउने भन्नेमा विशेष छलफल हुने उनको भनाइ छ।

उनले भने, ‘यो बीचमा सरकार परिवर्तन भएको छ । सरकार सँगसँगै संसद विघटन भएको छ । नयाँ सरकार आएको छ । संविधान मिचिएको कुरा पनि छ । संविधानसम्मत ढंगले सरकार नबनेको कुरा पनि छ । संविधानसम्मत यो संसद विघटन नभएको कुरा छ । यि सबै विषयमा पार्टीको केन्द्रिय समितिमा छलफल हुने नै छ । हाम्रो पार्टीको जीवनमा पनि जेन जी मुभमेण्टले प्रभाव पारेको छ । यससँग जोडिएर त्यसले दिएको सन्देशहरु कति नेपाली काँग्रेसले ग्रहण गर्ने र कसरी पार्टी अघि बढ्ने रु नेपाली काँग्रेसको बहुसंख्यक महाधिवेशन प्रतिनिधिहरुले हस्ताक्षर गरेर विशेष महाधिवेशनको माग गर्नुभएको छ । अब पार्टीको तर्फबाट गर्नुपर्ने कुराका सन्दर्भमा बहुसंख्यक महाधिवेशन प्रतिनिधिहरुले माग गरी आएको विशेष महाधिवेशन छ । पार्टीको पुनः संरचना र रुपान्तरणको कुरालाई पनि यो केन्द्रिय समितिको बैठकले टुंगो लगाउनुपर्छ । केन्द्रिय समितिले यो वा त्यो बहानामा महाधिवेशन प्रतिनिधिहरुको भावनालाई सम्बोधन गर्नुपर्छ ।’

नेता शिवाकोटीले सरकार निर्वाचन गराउने बाटोमा नरहेको आरोप लगाए । उनले सरकारले निर्वाचनको मिति घोषणा गरेको तर राजनीतिक दलहरुसँग संवाद नै नगरेको बताए।

उनले राजनीतिक दलहरु बिना निर्वाचन सम्भव नभएको जिकिर गरे । आम नागरिकमा जानुपूर्व पार्टीलाई ठिक बनाउनुपर्ने र मात्रै प्रतिष्पर्धात्मक राजनीतिमा जान सकिने उनको भनाइ छ ।

उनले भने, ‘सरकारले घोषणा गरेको जुन निर्वाचन छ । यो निर्वाचन घोषण गरेपछि राजनीतिक दलहरुको सहभागिता बिना निर्वाचन सम्भव छैन । तर अहिले यो निर्वाचनका सन्दर्भमा पार्टी त्यो निर्वाचनतर्फ जाने की संसद पुनःस्थापना गर्नेतिर जाने भन्नेमा पार्टीमा फरक फरक दृष्टिकोण छन् । त्यसकारण यो केन्द्रिय समितिको बैठकले टुंगोमा पु¥याउनेछ । पब्लिकमा जानुअघि पार्टीको मेसिन ठिक हुनुपर्छ । पार्टी ठिक बनाएर बल्ल प्रतिष्पर्धात्मक राजनीतमिा जानुपर्छ भनेर पार्टीभित्रको राजनीतिक प्रतिष्पर्धामा जानेतर्फ केन्द्रित छौँ ।’

नेता शिवाकोटीले पदाधिकारी वा केन्द्रिय समितिका कसैले पनि विशेष महाधिवेशन वा नियमित महाधिवेशन रोक्ने काम नगर्न पनि चेतावनी दिए।