काठमाडौं । गृहमन्त्री ओमप्रकाश अर्यालले अन्तरिम सरकार निष्पक्ष भएर निर्वाचन गराउन प्रतिवद्ध रहेको बताएका छन्। मंगलवार मन्त्रालयमा आयोजित पत्रकार सम्मेलनमा उहाँले सरकारले कसैको पक्षधरता नलिने बताए । उनले सुशासनको बाहेक अन्य कुरामा सकैको पक्षधरता नलिने बताए । संवैधानिक व्यवस्थाअनुसार संसद विघटन भएको ६ महिनाभित्रमा निर्वाचन गर्नुपर्ने भएकोले सरकार सोही बाटोमा अगाडी बढेको उहाँले जानकारी दिए । उनले सबै पक्षको विश्वास जितेर सरकारले निर्वाचन सम्पन्न गरेर निर्वाचित सरकारलाई सत्ता हस्तन्तरण गर्ने बताए। फागुन २१ गतेको निर्वाचन कुनै हालतमा नसर्ने उनको भनाई छ । हिमपात लगायतका केही समस्या आएमा केही ठाउँहरुमा स्थगन हुने उहाँले बताए । विगतमा पनि स्थगन हुने गरेकोले त्यसलाई ठूलो समस्याको रुपमा लिन नहुने उनको भनाई छ ।

उहाँले भने , ‘यो सरकार चुनावी सरकार हो । चुनावी सरकार निष्पक्ष र तटस्थ हुनुपर्छ । निष्पक्षताको प्रत्याभुति हामी दिलाउँछौँ । हामी कुनै पक्ष होइन अहिले, खाली सुशासनको पक्षधर हो । सुशासनको पक्षलिनुलाई कुनै पक्ष भन्न मिल्दैन । अरु राजनितिक विषयवस्तूको सन्दर्भमा हामीहरु कसैको पक्षधरता लिने भुमिकामा हामी छैनौँ । हामी निष्पक्ष भएर सबै सरोकारवालाहरुको विश्वास जितेर नै अगाडी बढ्छौँ । अहिलेको संवैधानिक प्रावधान अनुसार संसद विघटन भएको ६ महिनाभित्र चुनाव गराउँनैपर्छ । त्यसकारण फागुन २१ को मिति सर्दैन । त्यस्तो केही भईपरि अवस्था आयो भने कतिपय ठाउँहरुमा स्थगन हुने कुराहरु पहिले पनि भएको हो । हिमपात लगायतका कारणले केही ठाउँहरुमा स्थगन होला ।’

उनले प्रहरीहरुको मनोबल हाल उच्च रहेकोले सुरक्षा व्यवस्थामा कुनै समस्या नरहेको पनि बताए । देशन निर्वाचनको माहोलमा गइरहेको उनको भनाई छ ।