काठमाडौं । इनिशा बिक हत्या प्रकरणमा दोषीलाई कारबाहीको माग गर्दै युवाहरुले शनिबार पनि काठमाडौंमा विरोध प्रदर्शन गरेका छन्।

इनिशा बिक हत्या प्रकरणको निष्पक्ष छानविन गर्दै दोषीलाई कडा कारवाहीको माग गर्दै युवाहरुको एक समूहले शनिबार काठमाडौंको माइतिघरदेखि बानेश्वरसम्म विरोध प्रदर्शन गरेका हुन् ।

उनीहरुले बलात्कारीलाई फाँसी दिने कानून बनाउन माग गरेका छन् । त्यस्तै महिला तथा दलितमाथिको हिंसा अन्त्य गर, पिडितलाई न्याय दे लगाएतका नाराबाजी गरेका थिए । सुर्खेतको वीरेन्द्रनगरस्थित सामुदायिक वनमा विक मृत अवस्थामा भेटिएकी थिइन् । पोस्टमार्टम रिपोर्टमा बलात्कारपछि अत्यधिक रक्तस्रावका कारण उनको मृत्यु भएको देखिएपछि प्रहरीले अनुसन्धान जारी राखेको छ ।