काठमाडौं । राष्ट्रिय स्वतन्त्र पार्टी (रास्वपा)ले मंगलबार पोखरामा विशाल प्रदर्शन गर्ने भएको छ । सहकारी ठगी तथा संगठित अपराधको अभियोगमा कार्तिक २ गते पक्राउ परेका पार्टी सभापति रवि लामिछानेको तेश्रो पटक म्याद थप गर्ने दिन मंगलबार रास्वपाले पोखरामा प्रदर्शउन गर्न लागेको हो ।

लामिछानेलाई म्याद थपका निम्ति कास्की जिल्ला अदालतमा पेस गर्ने प्रहरीको तयारीकाबीच पार्टीका नेताहरू पोखरा जाने क्रम सुरु भएको छ । पार्टी उपसभापतिसमेत रहेका आन्दोलन परिचालन उपसमितका संयोजक डीपी अर्यालले पार्टी सभाखपति लामिछानेको रिहाइको लागि आफूहरुले प्रदर्शन गर्न लागेको जानकारी दिएका छन् ।

लामिछानेका निम्ति थपिएको म्याद कात्तिक १४ गते नै सकिएको छ । तर, कात्तिक १५ देखि तिहार बिदाका कारण अदालत नखुलेकाले प्रहरीले उनलाई मंगलबार पुनः म्याद थपका निम्ति अदालतमा पेस गर्दै छ । रास्वपाले भने म्याद थपका लागि लैजाने दिन पोखराकेन्द्रित आन्दोलन चर्काउने तयारी गरेको छ ।