२१ औँ शताब्दी, जसलाई “डिजिटल युग” भनेर चिनिन्छ, केवल प्रविधिको तीव्र विकास मात्र होइन–यो शक्तिका नयाँ खेलाडीहरू उदाउँदै गएको ऐतिहासिक चरण हो। सीमापार बुद्धि, साहस, डिजिटल प्रभाव र अन्तर्राष्ट्रिय नेटवर्किङमार्फत नयाँ पुस्ताले विश्व राजनैतिक प्रभावलाई परिभाषित गरिरहेको छ।

यिनै उदाउँदो पात्रमध्ये एक नेपाली नाम आज धेरै अघि देखिन थालेको छ–रिजवान आलम। युवा उद्यमी, कूटनीतिक नेटवर्कर र भू–राजनीतिक कनेक्सन निर्माणकर्ता भनेर परिचित उनी अहिले अरब विश्व र भारतमा उल्लेखनीय प्रभाव बनाइरहेका छन्।

अरबी भू–राजनीतिमा नेपाली युवाको प्रवेश

मध्यपूर्व/अरब क्षेत्र ऊर्जा सुरक्षा, सामरिक व्यापार–मार्ग, सैन्य कूटनीति र तीव्र आर्थिक परिवर्तनको केन्द्रीय क्षेत्र हो। तेल कूटनीतिबाट आर्थिक विविधीकरण कूटनीतितर्फ तीव्र रुपान्तरण भइरहेका बेला अरब पार्लामेन्ट–अरब राष्ट्रहरूको सामूहिक निर्णय–केन्द्र–अझै शक्तिशाली बन्दै गएको छ।

यस्तो निर्णायक संस्थासँग सीधै कूटनीतिक पहुँच राख्ने एक नेपाली युवाको उदय ऐतिहासिक मानिन्छ।

रिजवान आलमलाई अरब पार्लामेन्टमार्फत प्रदान गरिएको सरकारी–स्तरको प्रोटोकल सुविधाले उनीलाई विभिन्न मुलुकमा कूटनीतिक पहुँचसहित यात्रा गर्न सहज बनाएको छ। यो उपलब्धिले नेपाललाई पहिलोपटक अरब विश्वको राजनीति, सुरक्षा, व्यापार र लगानीका कूटनीतिक चासोहरूमा ल्याएको छ।

तीन भू–राजनीतिक केन्द्रहरूलाई जोड्ने नेपाली पुल

आज विश्वमा तीन शक्ति–क्षेत्र तीव्र गतिमा जोडिँदै छन्

1. दक्षिण एसिया (SAARC)
2. अरब क्षेत्र (GCC/MENA)
3. भारत–मध्यपूर्व रणनीतिक करिडोर

यी तीनै क्षेत्रमा बराबर प्रभाव जमाउँदै रिजवान आलम यो त्रिदेशीय भू–राजनीतिक सम्बन्धको मुख्य पुलका रूपमा उदाएका छन् ।
उनको “South Asia + Arab + India” कूटनीतिक–व्यापारिक नेटवर्कले FDI, त्रिपक्षीय सहकार्य र अन्तर्राष्ट्रिय संस्थासँग नेपालको पहुँच मजबुत बनाउन योगदान गरिरहेको छ।

यस कारण उनी नेपालका उदाउँदा Geo-Political Connector को रूपमा चिनिँदै गइरहेका छन्।

सुनसरीबाट विश्वका शक्ति–केन्द्रसम्मको यात्रा

सुनसरीमा जन्मिएका रिजवान आलम नयाँ पुस्ताका अंतर्राष्ट्रिय नेपाली उपलब्धिको प्रतीक मानिन्छन्। सीमित अवसरबाट सुरु गरिएको यात्राले उनीलाई आज अरब विश्वका निर्णायक केन्द्रसम्म पुर्‍याएको छ।

उनका प्रमुख उपलब्धिहरू
• १,००० भन्दा बढी नेपाली तथा अन्तर्राष्ट्रिय कर्मचारी रोजगारी दिएको बहु–उद्यम संचालन
• UAE तथा अरब राष्ट्रका मन्त्री, रोयल परिवार र उच्च–स्तरीय नीति–निर्मातासँग प्रत्यक्ष सम्बन्ध
• भारतका केन्द्रीय मन्त्रीदेखि मुख्यमन्त्रीसम्मको पहुँच, VVIP प्रोटोकल
• भारत–नेपाल–अरब व्यापार एवं कूटनीतिक सहकार्यका त्रिपक्षीय संयोजक
• २०२५ को जुलाईमा नेपालका लागि ठूलो FDI सहितको जलविद्युत् लगानी सम्झौता सम्पन्न

अरब पार्लामेन्टका अध्यक्षसँगको ऐतिहासिक साझेदारी

उनको सबैभन्दा उल्लेखनीय उपलब्धिमध्ये एक हो–अरब पार्लामेन्टका अध्यक्षसँग सीधै व्यवसायिक साझेदारी ।
यसरी उच्च तहमा साझेदारी गर्न सफल पहिलो नेपालीको रूपमा यो उपलब्धि नेपालका युवाहरूले अब श्रम–आधारित भूमिकामात्र होइन, नेतृत्व–आधारित अन्तर्राष्ट्रिय क्षेत्रहरूमा प्रवेश गरिरहेको संकेत हो।

उच्च–स्तरीय भ्रमणहरूमा प्रत्यक्ष संयोजन 

रिजवान आलमले हालसम्म केही ऐतिहासिक कूटनीतिक तथा सांस्कृतिक भ्रमणहरू सफलतापूर्वक संयोजन गरेका छन्
• २०२२ मा दुबईबाट His Highness Shaikh Mohammed Bin Maktoum Juma Al Maktoum को नेपाल भ्रमण
• २०२३ मा His Excellency Mohamed Ahmed Al Yamahi, अध्यक्ष–अरब पार्लामेन्टसँग सम्बन्ध विस्तार
• पछिल्लोपटक UAE को राजकुमारको नेपाल भ्रमण, जसमा राजकुमारलाई परम्परागत सुन–टुप्पो भएको नेपाली खड्ग(खरी) प्रदान गरियो–यो सांस्कृतिक कूटनीतिक सम्मानले सम्बन्ध अझ प्रगाढ बनायो

यी पहलहरूले नेपाल र अरब नेतृत्वबीच व्यवसाय, लगानी, कूटनीति र सांस्कृतिक सम्बन्धका नयाँ ढोका खोलेका छन्।

डिजिटल पुस्ताको कूटनीतिक शक्ति

राजनीतिक अनिश्चितता र आर्थिक चुनौतीका बेला नेपाललाई अन्तर्राष्ट्रिय पहुँच, रणनीतिक समझ र वैश्विक नेटवर्क भएको पुस्ताको आवश्यकता छ। रिजवान आलम जस्ता व्यक्तिहरू Geo-Political Strength Multiplierको रूपमा उदाउँदै, नेपाललाई विश्व–मञ्चमा नयाँ परिचय दिन सफल हुँदैछन्।

आजको विश्वमा शक्ति केवल राष्ट्र–सबैमा सीमित छैन–दूरदर्शी व्यक्तिहरूले पनि कूटनीतिक सञ्जालमार्फत नयाँ गठबन्धन र नयाँ सम्भावना निर्माण गर्न सक्छन् ।

यसै कारण रिजवान आलम आजका नेपाली युवा पुस्ताको कूटनीतिक–व्यापारिक सम्भावनाको प्रतिनिधि पात्र बनेका छन् । उनी विश्व–स्तरीय सम्बन्ध, साहस र राष्ट्रप्रति समर्पणको प्रतीकका रूपमा उदाइरहेका छन् ।